كلمات اغنية كوكب – انا راجع

من أول يوم فى حياتى

كنتوا ليا إيد فى إيد

بتعلم منكوا الدنيا

و كل جنيه كان ليا أكيد

و تمر سنينى عليكوا

اكبر اكتر فى عنيكوا

و تمر سنينى عليا

اسرح و ابعد لبعيد

مبقتش الاقى الوقت

الى ابقى بس فيه موجود

و انا عارف انى قولت

عد شعرى من الوعود

الدنيا صعبة عليا

و الناس كتير حواليا

انا بس خايف تحسبوا

ان بعدى من الجحود

انا راجع

و بعتذر عالغياب

و مستعد

لأى شكل من العتاب

دانا هلحق كل لحظة فى كل يوم

هرمى حمل سنينى و ارتاح من الهموم

و اترمى فى احضانكوا يمكن افتكر

يوم وقوعى مبن ساعدنى انى أقوم

و ده درسى الى خدته من الحياه

مهما كنت بعدت و نسيتكوا انا

و افتكرت انى لوحدى هنتصر

فى النهاية بتبقوا ليا طوق نجاة

انا راجع

و بعتذر عالغياب

و مستعد

لأى شكل من العتاب