مساحة إعلانية
طريق طويل مسدود و اخره مين يعيش
بيحاولوا يفهموك ان الحياة مفيش
جواها الا لونين .. ابيض و اسود بين
١٠٠ الف و الف لون .. اختار مبين الاتنين
ابيض يعنى معانا
ممنوع الاستهانة
قدامك الف فرصة
و وجودك ليه علامة
بتتفتحلك البيبان
لو مهما طال بيك الزمان
حر و روحك بين ايديك
اسود يعنى معاهم
ايه الى يوديك وراهم
طريقهم اخره ضلمة
ارجع مفيش تفاهم
و لو قررت تكون هناك
ابعد و خد حلمك معاك
و اسمع ايه مكتوب عليك
مكتوبلك تبقى مسخ طول العمر جنب الحيط
ذاكر هتنجح شوف فى كام دكتور فى البيت؟
و لو خرجت عالنظام .. بدأت تبرطم بالكلام
مع السلامة .. انت انتهيت
حياتك ملك لينا و بسببنا انت موجود
فتبقى عاقل .. يا هنعرفك الحدود
اوعاك تفكر انك ليك
او حتى ليك كلمة عليك
لو لونك اسود .. تفكيرك مرفوض
انسى كل حاجة بتحلم بيها
انت تحت الحصار
أعرف ناصية حلمك و اقف عليها
و اضرب نفسك بالنار
مفيش ألم مفيش دموع و لو صرخت بصوت مسموع
لو هدمت ١٠٠ جدار
هيفضل صوتك ملك لينا لا عمر ليك كلمة علينا
ولا فى ايديك اختيار
التعليقات