كلمات اغنية لــوكي – رحله

رحله طويله بنخبط بلتجارب اتعلمنا، اتعلمنا المغزي ما اتعلمنا فيها اي حيله

عاله تقيله جي بخساره علي كل حد فيها،مع ان الدنيا بتاعتي ربي خالقني ليا فيها

جوا لوب غريب عجيب،متضطر اتقبل الي فيها،ليه متضطر اتقبل،ليه الابواب في وشي عماله تقفل

ليه من حلمي الناس بتسفه،ليه الظروف حكمت عليا،عمري اتضرب في ميه اديت لنفسي الافضليه

محدش حيدهالي صرفوها في المتداري وانا مش حاططهم في بالي ومش مستني منهم حاجه

دا الضعيف للقوي يوالي عزة نفسي في ترتيب مثالي،جيب خالي والعمر غالي عارضين روحهم والعرض ساري

لسه روحي هنا في مكانها،مش حبيعها ولا اتوه عنها،سارقين منا احلامنا ومش مكفي اخدين زمانا

شموعنا راح تحرقهم ومش حنقول كان زمانا،الدنيا دي بتاعتنا ولما تخلص لينا جنه

ملكي وبيبعهالي،قصديتي وبيقولهالي،عايز حبيبتي بس تمن الشقه فعلا غالي

يا عمي اسمعني عشان الماده ليه تمنعني،كل شي قدامي شايفه بس زي ما تقول انا معمي

الكون معمول يسعني،ليه مخنوق في اوضتي يعني،مين بيشتري ويبعني،ومين ورا الشاشه يخدعني

جيم واقع مين برمج،طموح عالي مين طرمخ،ادينالهم الامان والسم جالنا من المطبخ

عشت بكرا زي انبارح رغم اني قلت مش حكرر،كل مره اقول دي الاخر والمضحك دي عاشر مره

امتي ابطل اسمع الوسواس،امتي انا الي اقرر، مش جي مني افاده ومن الناس انا متضرر

حد يشوفلي عياده قبل ما اقوم عليكوا اتهور،معيشني في جهل ليه سيبوني عايز اتنور

لا باشا انا ولا بيه بس كاميراتكوا حتصور،ساكن الكون دا زيي زيك زي الشيطان عليا بتحور

رضيت بأقل حاجه وربي زاد عن ما اتصور،ناس كروشها مليانه وناس من الجوع بتتضور

نفوس بلحب شبعانه وحقوقنا بقت اعانه،الله يرحم الي جابهم كان متعود عا الاهانه

مش حتقبل الاهانه ويوم ما تفكر عندي دانه،كلها عماله تسخف بكل حاجه في استهانه

رغم كل دا نضيف ومعنديش اي ادانه،فهمت انها انماط من صنع البشر وخدانا

عايزني اشتري من الرخيص علشان قيمتي ترخص،خطتهم ابقي نسخع علشان ثقتي في نفسي تنقص

شكوك اتسربت جوايا حستني غريب،ححاول بكرا اعيد الكره يمكن تصيب

وجع اني افضل احاول ارحم من وجع اني اسيب،لا مش ممكن اسيب ولا من المنطق تخيب

الخوف زي المآته ضيع من الفرص كتير ،بتبكي علي الي فاتك والي جاي شايل كتير