كلمات اغنية لــوكي – مش عايز المعاش

الباقه صفر مان، صفر كاش

عايز احرر فلوسي، مش عايز المعاش

نيل المطالب مش تمني ، وانا لسه بحاول

قرعة امريكا كل عشره، حظي كان مسافر

قلت لل اي تي ام استنيني جايلك تاني

في البنك بستجم ، كبار العملا دا مكاني

اس كلاس كل الجولد ديجرز دي عرفاني

عارف إني لقطه، إنتهاز بس انتي مش عجباني.

ضوء خافت ، والشوارع هاديه بضاعتي جايه

طلاما شايفين إني شاتت ، يبقا الطريق دا ليا

قانونكوا كسر الميزان، خلي المجرم ضحيه

سموم في الفكر ، لسا الناس بتناقش وتقول ديه!

يا دبله الخطوبه ابعدي عني لسه بدري

ما شفتش من الدنيا حاجه ومن الديانه انا مش حجري

بجري بل كوازاكي ، اه مين يلحقني

شنطي تقيله عليك ، متفكرش تسرقني

ابراج طويله ، تكنولوجيا ، شفايف لونها فوشيه

مود فاخر ، اسكندريه، الشتا و النوستالجيا

من النوادر ، طقم واحد شايلاه البواخر

مش كتير عليا ، متواضع بس ضروري اتفاخر.

الناس دي عايزه الي يلاعبها، ميجيبوش من الاخر

السما الصافيه مطرت ، ودابت المظاهر

كل يوم ستيك و شيش ، الإندومي فتره فاتت

نفسي الكئيبه نورت ، لما كاشاتي زادت

الباقه صفر مان، صفر كاش

عايز احرر فلوسي، مش عايز المعاش

نيل المطالب مش تمني ، وانا لسه بحاول

قرعة امريكا كل عشره، حظي كان مسافر

قلت لل اي تي ام استنيني جايلك تاني

في البنك بستجم ، كبار العملا دا مكاني

اس كلاس كل الجولد ديجرز دي عرفاني

عارف إني لقطه، إنتهاز بس انتي مش عجباني

ضروسي البايظه ، روحت ركبت غيرها في فرنسا

خدتها شوبينج في الشانزليزيه ، وبرده لسا عايزه

بتقول سوتيه ، شافت اكل البحر لقيتها دايسه

خسرت مع كل إكساتها ، بس معايا فايزه

حياتي مش أكل عيش ، خرجت انا من القالب

واقعي مختلف غريب ، كأني شايف الكل شارب

مسكوني المعمل بعد ما كنت أنا فار التجارب

بطلت اجيب مستعمل ، فبريكا بلبصمه دارت

كفر عبده ولا بحر ، معايا السماسره احتارت !

اعلي قسط اخره شهر ، عارفني في المعارض !

بيقولك عنده ضهر ، انا رجلي علي ضهره حاطط

معرفش شعور الحقد ، ليه راسهم من الحقد شاطط

شبابيكي عازله كل الدوشه، سرير خمس نجوم

عندي فليبينيه في المطبخ و بتغسل الهدوم

مرتبها هيا و الشوفير ، عمره ما اتأخر ساعه

معايا واحده بلوند هير ، اه منتهي الشقاوه