كلمات اغنية لــوكي – مفيش كوراس

عايش حياتي عادي خالص ، بقضي اليوم

كلعاده ، صادفني واحد ناقص اديتو كوم

علي قلبي حطيت حارس ، مبتجرحش

عمرك شفت هاوي دارس ، مبتهمزمش

لو خدت تقديري ، جرانتدد تتحرم

من كتر ما انا واضح صعب اتفهم

خيالي شاطح سارح ما يتلضمش

كل كلامك عني فارغ, مابترسمش

بقضي يومي اتعلم انفض للهموم

سبتيني وروحتي، من مكاني مش حقوم

مش حورث زهدي ، جيلي عاش مظلوم

كان فاكر نفسه واعي، علي قفاه طلع مختوم

طول ما نفسك داخل طالع ، المصير مش محتوم

لسا طموحي عالي ، عايز اكتر من المقسوم

هات شغل هات كاش ، انا من زمان محروم

الماضي سر الحافز ، هما كام الف يوم

ناس كتير بتتكلم ، مش حتاخد منهم حاجه

لوحدي في اوضتي بتألم، مش مستني منك مالك

صاحبي كل كلمه منك ، ليا كانت دفعه

مفاضلش كتير علي محاكمه، حكسب المرافعه

مش عارف اروح في النوم، الدماغ شغاله جامد

انا الشيف والزبون، اقطم مش بحب اناهد

عيونهم منزلتش من عليا، فاكرني سايح

صطفه فتحت مداركي ، وانت منها لسا دايخ

اروش شاب في المدينه، سنيكرز و مايك جديد

بوزن جسمي اعضل، مش محتاج اشيل حديد

بكروز علي رجلي ، لحد ما المرسيدس تيجي

وسط مزيفين كتير، كنت انا الحقيقي

تكنيك ليركس حويط ، والبيت عا الربيت

بلنسبالك شئ معقد، بلنسبالي شئ بسيط

حاول تهرب من الحقيقه ، حيجي يوم تتحط

مشاعري بعيد غويطه، مش سهل تطلع الشط

النهارده عرفنا بعض ، تاني يوم مش فاكرين

تالت يوم كان حزين ، والرابع رجعت عادي

قفلت عا القديم، خدت النهارده اعتيادي

كتير علي اعصابي ، بقيت بارد هادي

كل دول بيزك ، متقارنش انا استثنائي

مش حرجع في الكلام ، القرار خدته نهائي

ماسك الريزم ، قاطع نفسي عن الملذات

حبيبي كفي نفسك ، لوكي ذاتي الاكتفاء

لو كان عندي كل حاجه، مكنتش حبقا دا

عايز ونش يشيل احلامي، يجيبها من السما

كان يبان اني عايز ، بس من جوايا لأ

تكسير من ساعه ابتديت، قابلني لو انسحبت

قدها ونص من جوايا، لسا انتو شاكين

انا حضحك في النهايه، حقطعهولكوا بليقين

عارف مين معايا ، ومين سابني في الطريق

خساره او مكسب في الحالتين برده مستفيد