كلمات اغنية ليجي-سي – إتنين بليل

أنا مع نفسي بتشاور، بتكلم في دماغي

بحاول أفتكر ملامحك

سيبتيلي كام ذكرى ووردة في كتابك

لما الدنيا بيا تضيق كنت بسمعك

بتقولي ما تخافش أنا جنبك

أكيد لسه فاكرك، نسيانك مش سهل

أنا بكدب على نفسي وبشرب مش بنسى

وللأسف مسألة نسيانك مش وقت لأني

سكران ومش داري

إنتي سنينك سرقاني

ماشي بدور على اللي باقي

وخيالي ممشيني وأنا لسه في مكاني وإيه

مشاكلي دوامة

دي مصرة تبلع حياتي

وأنا وقتي بيفوت والدنيا بتلف وبلف وياها بدون داعي

وأنا ماشي لوحدي في الشارع بشكيله حالي إتنين بالليل، إتنين بالليل

بالليل، بالليل، بالليل

وأنا ماشي لوحدي في الشارع بشكيله حالي إتنين بالليل، إتنين بالليل

بالليل، بالليل، بالليل، بالليل، بالليل

فاكر كل حاجة ومش بنسى

أنا عيني بتصور المشهد

الوحدة خلتني أبان أسوأ

شفت حياتي من غيرك على الأسود لايقة

حالي مش زي ما سيبتك

متعلق بحبالك الدايبة

كنتي حلم بالنسبالي

مش زي ما إنتي كنت شايفة

بقيت مغيب، مبقتش شايفك

مفيش مني فايدة

حاسس إنك لسه هنا بس بين وشوش الناس دي تايهه

وأنا حالي زي حالك

إتكسرت، حطاني دابت

من بعد ما إنتي مشيتي وسيبتيني وغيرتي عنوانك

وأنا كان نفسي في دقيقة

كان نفسي نتكلم وأشرحلك

نفسي أنتهز الفرصة وأحكيلك

صعب لو فقت من سكري أفضفضلك، إيه

الوقت إتأخر، الوقت إتأخر

ما تطلبيش إني أنسى اللي بيننا لأن صعب جداً مش هقدر

قولي إزاي أنساك وأنا عليكي بسأل الليل كل ثانية مية مرة

كان نفسي أكون قوي بس ده صعب يحصل ده بعد ما جوايا إتكسر

كنت أتمنى نتقابل بس في ظروف تكون أفضل

تيتر النهاية بينزل ولسه على اللي باقي منك بدور

وأنا ماشي لوحدي في الشارع بشكيله حالي إتنين بالليل، إتنين بالليل

بالليل، بالليل، بالليل، بالليل

وأنا ماشي لوحدي في الشارع بشكيله حالي إتنين بالليل، إتنين بالليل

بالليل، بالليل، بالليل، بالليل، بالليل، بالليل، بالليل