مساحة إعلانية
كنتي الاجمل بين الف بنت مارقا
العيون بس عليكي يمكن لانك صادقة
ومع كل نظرة عليكي كنت حس بغيرة
مابعرفك بس وقتا نص العيون كنت خالعا
لكل حدا تجرأ وجاب اسمك بسيرة
صار عبرة للناس لتفهم انو الطاسة مانا ضايعة
كنت فارس أحلامك بحميكي من بعيد
كنت دم بعروقك وكنتي انتي الوريد
بس ما حكينا ولا مرة بس الارواح تتواصل
بالليل قبل النوم قريني كان يتراسل
مع قرينك ونفسي من هالمرض اتعافى
لان قريني عنفس الروتين كل يوم بيحكيلي شافا
متأثر فيها ع قد م عطرا شافا
جروح بقلبي .. متل السحر بلحظة عافا
أنا بحاجتك كل ما أمرض لانك وحدك دوائي
بس طالب منك نظرة بلحظة فيكي لقائي
بحلم فيكي كتير
ما بتحمل قلبي صغير
شايفة البعد الي بيننا
بعدي كلاجئ عن بيتنا
عيونك نجوم بتضوي ليلنا
رغم بعد كفوف أيدينا
منتلاقى عند المنام
منتلاقى بأحلامنا
مليت معيش حالي ع وهم
اضطريت غصب عني أغرز بقلبي هالسهم
وما تجرأت اخطي خطوة حتى شفتك عم تنسرقي
من واحد غبي وبكذبو عم بتصدقي
هادا ذنبي لان ماعرفت احميكي
كان لازم ملي عينك والحزن اللي فيكي
هون مصيبتي مابقدر ارجع للماضي
هي محكمة حياة والزمن كان القاضي
قضى علينا وياما بالسجن مظلومين
محكومين مع كمين نحنا مو سيئين
بس سيئين مع بعض فيمكن مافي حل
ياويل الفراق سمع بقصتنا وفل
ومين بيعرف يمكن تكون رؤية هالأحلام
اعدام البطل بالفلم كان الزام
صرت واصل لاخر جزء وخايف من النهاية
يا ترى شو حيصير وشو في بعدا حكاية
مو دايم قصصنا متل الأفلام
مو دايم الضحكة على الوش بتبان
بحلم فيكي على الفايق
كتير وسخة النهاية
مو دايم قصصنا متل الأفلام
مو دايم الضحكة على الوش بتبان
بحلم فيكي على الفايق
كتير وسخة النهاية
فقت اليوم ملخبط اي بعترف عم اشتقلا
ما شفتا بحلمي الليلة وكنت عم اندهلا
بس كنت بعالم تاني كانت هالكتو الحروب
شفت ناس عم تتعاطى وعايشة عالحبوب
شكلو فلم جديد من يومين نزل عالسوق
بس ليش مجبر مثل وانا حالتي عم بتسوء
وانا مين اختارني اصلاً انا ليش ما بقدر نام
طفي الضو ولك خليني ارقد بسلام
التعليقات