مساحة إعلانية
توت توت عا بيروت يا بيي خدني مشوار
شلحني حدك بالسرفيس واربطني ببكلي وزنار
قلي إستاذ الإنشاء قبل ساعة من الفكي
إنو جدي المير بشير كان بيستاهل دكي
إستاذ التاريخ... فنجر عينه وقال
هيدي إلي ما شاف المتحف... جاهل وثرثار...
توت توت عا بيروت يا بيِّ خدني مشوار
شلحني حدك بالسرفيس واربطني ببكلي وزنار
* * *
وقفنا قدام باب المتحف عتمي وريحة عطن كتير
خفنا قلنا المتحف مهري عفن بدقن الأمير
فتنا على المتحف عاروس الأصابع بيِّ يدفشني لقدام، وأنا قلبي طاير
صرنا نمشي، صرنا ندور نتطلع عا لداير
والقصص بها القبور شي نازل شي طالع
هيدى رمسيس الثاني هيدى الملك اليوناني
هيدى هنيبعل الحامل هالقوس... ونشاب
ماشي خلفه يا ستار سراق ونصاب
فجأة ما دريت وحسيت إلا بقلبي فز وقام
تعربطت بركبة بيِّ أحسن ما أهوى لقدام
هيدى المير مكوم هون يقصف عمره خوفني
ما في لون جنس اللون شي نكزته الغبرة عبتني
في ملك فرنساوي مكوم فوق المير بشير
تطلع فيِّ وجأرني يا دلي شو بدو يصير
فات الحارس طاير عقله صار يشدلي بأدني
صار المير يضحكلوا بالسكين ينكوزني
وينك هلق قرب شوف عربي، فرنساوي وتركي
إجو البوليسيِّ وجيوش وعسكر
من الجمهورية إجى الراس الأكبر
وزمامير ودق طبول وبيارق وبواريد
بلو إيديهم فيِّ وأخدوني على العدلية
و يا بييِّ دور وروح على مدرستي العالية
قول لأستاذ الإنشاء يعلم رفقاتي هوي
ويا طريق العدلية شوفي شو صاير فييِّ
كذبوا علينا بالتاريخ وطلعت الدكى في
يا هال لبنان يا لوح الصف يا كتاب الخرائط، يادبكي ودف
درسنا تواريخ حفظنا تواريخ إجى التاريخ طعمانا كف
يا بلد المير يا هم كبير يا علم العيد علم على الرف
انطرينا انطرينا بيروت انطرينا
بأخبار جديدي بتلفك لف
يا متحف بلدي يا فاضي البال يا مير الكذبة إنبسط الكف
يا ها لبنان يا لوح الصف يا كتاب الخرائط، يا دبكي ودف
درسنا تواريخ حفظنا تواريخ إجى التاريخ طعمانا كف
التعليقات