مساحة إعلانية
انا اتجوزت صحبتك سمر خلاص سافرنا
قاطعنا شلة الجامعة محدش عاد فاكرنا
مقدرش اعترف انه حب بس مريحاني
نستني كل لحظة كنت معاكي فيها بعاني
بداية سيئة في جوابي عارف ، بس لازم
اعتبريها عشوة دردشة و انا اللي عازم
حاولت اوضح موقفي السخيف وشاً لوش
حاولت الاقي بديل منطقي لمصطلح معلش
خلينا نتفق بس انك قنبلة انوثة
لما اجيب سيرتك لمراتي تعايرك بالعنوسة
عقلي في ذكراكي حبس ، شرنقة دودة قز
شيطاني بيكي وز ، مقدرش اقول للعشق طز
لما اتقابلنا لأول مرة في حفلة الكلية كذبت
كان شكلك عاجبني فشخ فقررت ازرع النبت
حقك شوفيه كبت ، عقلك مقاسي بالضبط
استاء لما معرفش اشوفك من يوم الخميس للسبت
عقلي في ذكراكي حبس
شرنقة دودة قز
شيطاني بيكي وز
عشقك اجباري
عقلي في ذكراكي حبس
شرنقة دودة قز
مقدرش اقول للعشق طز
شغال استشاري
جريت وراكي مش هنكر لسه الحقيقة ساردة
شوارع المنصورة الباردة شاهدة ع المطاردة
معرفش لقيتي شغل ولا لسه عايشة عالة
معرفش وعدت نفسي كام مرة ابطل ريالة
صناعة خام عقل حام دام سنين تواري
قلب خاوي غاوي احسن محظية في الجواري
عشقك اجباري عشت اتمنى انه يكون اختياري
في كل علاقة ليكي معيناني استشاري
نجمة احلامي في كل نومة الفانتازيا بتولع
كنت اوصلك البيت و استنى تقوليلي ما تطلع
يمكن عجبتك او يمكن كنت بتمارسي الصيد
سمر اتجوزتني فقط لتحقيق نشوة الكيد
جوابي مش مهم انك تقريه للنهاية
ممكن تسألي عمرو و حسين و تهاني و آية
اللي فاكره انه سر ، اصبح تاريخ بيحبي
و عارف انك انت و مراتي بتتخانقو على صاحبي
التعليقات