مساحة إعلانية
920x160
تواصل معنا
حلاوة المرة الأولى
يا سرها الباتع
منى عيونا نكررها
ويا ريته كان نافع
دي ليها سلاسة وسهولة
وتلقائية ومفاجأة
وليها ذكرى محفورة
وجوة القلب دي بتبقى
تحيرنا بأسرارها
وحالفين قال نكررها
وهيّ ستارة مسدولة
يا سحرها المرة الأولى
ولمّا بتيجي على غفلة
أكتر كمان تحلى
ومهما نعيش حياة حافلة
المرة دي أحلى
دي أول حد يعجبنا
وأول حب زار بابنا
دي ذكرى باقية في قلوبنا
وطيفها تملي مصاحبنا
تحيرنا بأسرارها
وحالفين قال نكررها
وهيّ ستارة مسدولة
يا سحرها المرة الأولى
التعليقات