كلمات اغنية محمد المنهالي – المغرم الشاقي

يالضيا يالنور يالبدري

ياعذاب المغرم الشاقي

يالغزال النافر العذري

يا محرّك ثورة اشواقي

أنت تدري ولا ماتدري

ان حبك داخل اعماقي

يوم أشوفك ينشرح صدري

وينبض من الشوق خفّاقي

ياحشاشة روحي وعمري

انصخي كبدي ومعلاقي

في جمالك لمسة السحري

أبدعك بالزين خلاّقي

لك عيانٍ نجّلٍ خدري

سهمها من دون ترياقي

الخدود الناعمة عفري

والجبين اشعاع برّاقي

والمبيسم يك به بحري

لؤلؤي المستوى الراقي

اليدايل على المتن حدري

بالعطر رويانه اطلاقي

والنحر والردف والخصري

زينها زانت به أذواقي

ولو بوصف فيك بشعري

ماحتوى مضمونك أوراقي