مساحة إعلانية
السـلام السلام ،، ياكافل خدري السلام
السـلام السلام ،، ياروحي وعمري السلام
اكبال عيوني اريدك
من عمري اعله ايديك
امشي اعله الرمل
وآنه چنت امشي بوريدك
رايح يا آخر نبضة بگلبـي
رايح ياراحة بال حسين
باچر كل خطوة منية بـدربـي
اركض واتعثر بالچـفيـن
بعدك والله حيرة لو ودوني اسيرة
ماترحم يبو فاضل تره النظرة الأخيرة
ياديرة محنة .. والباقي من اهله
يا اول اسم من فتحت يحچولي عنه
ياعباس الحچي ابيناتنه اشـتاگ
إذا ماشفت طولك لحظة لحظة
الأخو لو راح يكسر اخته للموت
وشتحط ابمكانه ماتعوضه
اكبال عيوني اريدك
من عمري اعله ايديك
امشي اعله الرمل
وآنه چنت امشي بوريدك
السـلام السلام ،، ياكافل خدري السلام
السـلام السلام ،، ياروحي وعمري السلام
بعدك راح اصعد فوگ الهزل
وبعدك اوگع من ظهر النوگ
كافل من زغرك واعرف تزعل
اختك لو فروا بيها السوگ
وحدي وانته غايب .. ادخل للخرايب
ام عون وصرت يابوالفضل صرت ام المصايب
يالطاهر حليبك .. راسك وي حبيبك
لو طگني الشمر ياكافلي منوين اجيبك
حلاة الدنيه اذا خوانك وياك
وكت الشدة گدامك يطيحون
بس انه اخوتي طشرهم الموت
تمنيت المثلهم مايموتون
خويه الله يعينك .. چم نبلة اعله عينك
امشي ميسرة وارجع الك يوم اربعينك
السـلام السلام ،، ياكافل خدري السلام
السـلام السلام ،، ياروحي وعمري السلام
________
التعليقات