كلمات اغنية محمد حواس – افيش العمر

صورتك عايشه جوه خيالي

بس مجرد صوره قديمه

زي العادي ف فيلم السيما

كانلك جوه العمر قفيش

صوره وثابته

ممكن ضايعه

وممكن باهته

مهما يعدي العمر عليها

تراب العمر ما غيركيش

فاكره السيما ؟

يوم ما قعدنا

يوم ما ف ضحكي وضحكك متنا

طب فاكره حكاوي عنينا السارحه عز سكوتنا

فاكره كلامي عن احساسك

ولا جنوني وكرهي لناسك

يوم ما اختارو تكون نهايتنا

يوم ما اختاروا تكوني قفيش العمر الضايع

يوم ما قالولي

امشي يا صايع

يوم ما اختاروا الجيب الفاضي

لجل ما تبقي مجرد ذكري

ف حضن الرحله

تبقي حنين الميه الحلوه

فأرضي الضاحله

تبقي الجوف الخاوي بعطشه

تبقي الماضي ف عز رحيله

نقول ناسينه وما بيرحلش

تبقي حنين النخل الطارح

تعدي سنيه ولا يطرحش

تبقي الطفل ف حضن الشارع

مهما بيكبر ما بيكبرش