كلمات اغنية محمد خضير – أعظم أب محمد خضير

ومين الدنيا دامت ليه

وقال الدنيا مش فانيه

ولو ينفع لا كنت افديه

ويفضل حِسُّه فى الدنيا

بإسمه انا كنت بَتْغَنَّى

واقول م الصعب يتكرر

حياتى فى قُربُه كات جنه

فى بُعده طعمها مَرَّر

راح ابو حُضن جميل يجمعنا

ويحسسنا اننا عايشين

واهو من يوم حُضنُه ماودعنا

واحنا فــ كل طريق تايهين

كُنت منور بيتنا وفارش

كل حياتنا سعاده وحُب

وأنا على حسك ح افضل عايش

وانت ح تفضل أعظم أب

ومش عارف وهو بعيد

ح اعيش ازاى بقية عمرى

بقيت انا بعد منُّه وحيد

ومين راح يشغلُه أمرى

وح نتلم ازاى فى غيابُه

واحنا عشانُه عشقنا اللمه

غاب واتفرق كل احبابه

غابت أحلى وأجمل ضَمَّه