كلمات اغنية محمد رشدى – أهل الهوى

تسألني عن أهل الهوى .. هو الهوى له أهل

لا ده سؤال ينسأل .. ولا جوابه سهل

أهل الهوى ..

أهل الهوى من غير سؤال وجواب أحباب

أحباب وتاهوا في بلاد أحباب

قفل عليهم باب .. قفل بلا أسباب

القلب داب والشعر شاب

والفكر ودى وجاب

واستطعموا طعم العذاب من غير حساب

وكأنهم صورة في كتاب

أهو هم دول أهل الهوى

يا عاشقين..

يا عاشقين يا مونسين الليل

لو الحجر سمع أنينكوا يلين

تغربوا المواويل وتدوبوا المناديل

دموع تسيل تعبي نيل ويقيد لها ضي القناديل

ومهما كان الليل طويل ماهوش طويل

أما الجراح ده شيء جميل

أهو هم دول أهل الهوى