كلمات اغنية محمد صيام ومحمود محرم – انا مش مرتاح

انا مش مرتاح انا كل مشاعري وأحاسيسي مليانة جراح

مجروح من كل الناس جدًا ومفيش أفراح

ماهو كل الناس جت على وجعي والعشم اهو راح

انا وحدي هعيش وهقوي القلب اللي اتأذى علشان منسيش

ناس ناكره ومالهاش بقى عازة ومتلزمنيش

ضمايرها النايمة في إجازة أرخص من الخيش

انا مش مبسوط إحساس مراودني مخليني كده مش مظبوط

دايمًا متضايق من نفسي ومن الناس مخضوض

ده طبيعي ولا انا كده كلي قربت اموت

مش عارف ليه يمكن علشان اللي انا منه كده هونت عليه

بقى سهل يبيعني وينساني ومصعبش عليه

وازاي انا اآمن ليه تاني بأمارة إيه

وكان ياما كان كان عندي زمان

كان ليه صحاب خسروني واتبعت بسبب الـ

وكان ياما كان كان عندي زمان

كان عيش وملح ولا كان كاس وسيجارة ودخان

كلها أبطال انا بسمع هري وبس

ومش شايف أفعال جربتكوا واحد

واحد على كشف الأعطال

فلاقيت كلكوا عالبايظ ولا واحد شغال

انا نفسي طويل طول عمري أساسي

وطول عمرك عالدكة عمال بتقول انك

مجدع طب هات لي دليل مش راجل وبقولها

في وشك يا ابني انت عويل

وكان ياما كان كان عندي زمان

كان ليا اصحاب خسروني واتبعت بسبب الـ

وكان ياما كان كان عندي زمان

كان عيش وملح ولا كان كاس وسيجارة ودخان

عيل رمرام انا عمري ما هعمل

زيك انا مبكلشي حرام انا حد نظيف مش

زيك لفيت عليه الأقسام وبفضل الله وبكرمه انا بطلع قدام

بس يا جربوع

مبمدش إيدي على حاجة الناس لو اموت من الجوع

انا بمشي سليم وفي حالي ممشيش في الممنوع

شبعان والبركة في ابويا مش زيك مصروع

وكان ياما كان عندي زمان

كان ليا اصحاب خسروني واتبعت بسبب الـ .

وكان يا ما كان كان عندي زمان

كان عيش وملح ولا كان كاس وسجارة ودخان