مساحة إعلانية
920x160
تواصل معنا
حبيبتى ليكى مكتوبى ... لا بالشامى ولا النوبى
بلهجة قلب عاشق داب ... بيتمنى لقا الأحباب
ويرسملك بعود الفل ... حروف العشق من تانى
عشان خاطرك يا ست الكل ... اغنيلك واقول تانى
بحبك ياللى موج النيل
بيرسم بالودع إسمك
ولجل عينيكى يحكى الليل
ومهما يطول أنا أسهرلك
بلاقى عينيكى وألقانى ... سفينة فـ بحرك الهادى
بتحلم ترسى طول الوقت ... فى قلبك ونتى اطيب قلب
وأشواقى اللى محتارة ... فى حضنك بس تلقى البر
مشاعرى وروحى بحارة ... هتفضل ليكى طول العمر
بحبك ياللى موج النيل
بيرسم بالودع إسمك
ولجل عينيكى يحكى الليل
ومهما يطول أنا أسهرلك
التعليقات