مساحة إعلانية
920x160
تواصل معنا
سبحان الخلاق الباري ... في قلبي بياع وشاري
ماني عارف ولاني داري ... وين اللي وثيقٍ سده
اعطيه الغايه واشكي له ... سهران البارح والليله
قصه عريضه طويله ... الله لا يطول هالشده
مجروح وعيني مفتونه ... والغالي حالوا من دونه
ياكود الحل وياهونه ... الجيّه من عقب الصده
بالله ياللي توصل داره ... بشرني واعطيك بشاره
مبطي عن خلي واخباره ... اقفى بالقلب ولا رده
عليل وكبدي مجروح ... من قل الجيّه والروحه
بيبان العبره مفتوحه ... دمع العاشق يجرح خده
يا لايمني ولا تدري ... لو تدري ما ترقد بدري
هم وغم وضيقة صدري ... كلٍ ياقف على حده
افزع لي ولّا جنبني ... الحب القاتل صايبني
احدٍ يهدم واحدٍ يبني ... كلٍ يلبس ثوبه قده
ياشين فراق الولايف ... ماعلى الدنيا حسايف
وان ماجا زينا الوصايف ... عيني عن غيره مستده
التعليقات