مساحة إعلانية
بطل الثوره احنا معاك انت حمانا واحنا فداك
انت حبيبنا يا جمال انت نصيبنا يا جمال
يا جمال يا جمال
من قبل الثورة كنا عارفينك
من عهد جدودنا كنا مواعدينك
كان اسمك عايش في قلوبنا وملامحك ساكنة في عيوننا
علشان كده لما اتقابلنا شاورنا عليك يومها وقلنا
جيت في معادك بعد مطال
واحنا جينا لك بالاجيال
انت حبيبنا ياجمال وانت نصيرنا ياجمال
يا جمال يا جمال
المركب صارت في ايديك وايدينا
ولاموجة خايلة قدرت تطوينا
حتي اللي خانونا وهاجمونا لما رجعّنا ما لاقونا
انهزموا لما سمعونا منك هنحارب وشافونا
ايدنا في ايدك عالقنال
واحنا جنودك باستبسال
انت حبيبنا ياجمال وانت نصيرنا ياجمال
يا جمال يا جمال
حققت امالنا وحميت ثورتنا
وبقينا من يومها احنا اسياد بيتنا
والثوره خلقت حريه مشيت باماني قومية
هدمت تماثيل الرجعية وانطلقت ثورة عربية
والحريه عايزة نضال
والقومية طالبة رجال
انت حبيبنا ياجمال انت نصيرنا
يا جمال يا جمال
العرب اتقابلوا جمعتهم فكرة
وتاريخ امبارح كان درس لبكرا
ونجاح الثورة الشعبية في الجمهوريه العراقية
نعمه من المولي وهديه لشعوب الامه العربية
افدي حماكي يابغداد
واحنا معاكي يابغداك
انت حبيبنا ياجمال انت نصيرنا ياجمال
يا جمال يا جمال
التعليقات