مساحة إعلانية
بــشــبه عــلــيــكـ
ملامحك من ملامحى
ولونك لونه قمحى وعيونك فرحانين
بــشــبه عــلــيــكـ
قلى وفكرنى انت
انا شفتك بس أمتى من يوم ولا سنين
يمكن زمايل مدرسه او دفعتى فى الجيش
خبطت كتافنا يوم فى بعض واحنا فى طابور العيش
ولا أكلنا فى يوم سوا أكلة سمك فى ابو قير
جايز صليت جمبك فى يوم الجمعه فى الحسين
ولا فى يوم شلنا العلم فى الاستاد من سنين
ولا لمحتك يوم هنا بتصرخ تقول تغيير
بــشــبه عــلــيــك
ملامحك من ملامحى
ولونك لونو قمحى وعيونك فرحانين
بــشــبه عــلــيــك
قولى وفكرنى انت
انا شفتك بس امتى من يوم ولا سنين
يمكن فى ليله وقفتلى وانا عطلان على الطريق
سألت عنى فى يوم وانا مخنوق حاسس بديق
سايبنى ليه محتار كده متقلى تطلع مين
هو انت احمد ولا جرجس ولا صوت ملايين
ولا انت واحد صدرو داق من الظلم الظالمين
ولا انت باعتك ربنا تاخد بأيد ملايين
بــشــبه عــلــيــك
ياللى ضحيت بروحك يا واحد مننا
وسايب اهلك وناسك علشانا كلنا
يا شهيد انت مكانك فى الجنه مش هنا
كان نفسى بس اقلك انت مرحتش هدر
دلوقتى صوتنا عالى وخلاص خوفنا انكسر
بقى فى قلوبنا رحمه وليلنا فيه قمر
التعليقات