كلمات اغنية محمد فؤاد – دمعتين

النهارده كنت جايلك .. جاي أعوَّض وقت فات

كنت جاي يا حبيبتي أقولك .. صحِّي إحساسنا اللي مات

خدتلك قلبي ومشيتلك .. فوق سنين بُعد وحنين

شيلت كام حلم في عيوني .. لسة ليكي مشتاقين

خدني شوقي عند بابك .. جاي دايب من غيابك

واللي شوفته شىء حزين .. شوفت إيدك حاضنة إيده

شوفت جوه عنيكي عيده .. شوفت ناس متجمعين

نــــاس تغني .. نــــاس تهني

نــــاس تغني .. نــــاس تهني

واللي رد عليكي مني

دمعتين دمعتين دمعتين