كلمات اغنية محمد فؤاد – علمناك

علمناك الحب وقلبك حب علينا

علمناك الهوى ولعبت بناره وبينا

وآدي آخر الشوق وعذابه .. وآدي اللي عملنا حسابه

أول ما اتعلم قلبك اتعلم يجرح فينا

قلبي اللي اختار عذابه وآسى كتير ودارى كتير واتحمل منك ياما

قلبي اللي فتحلك بابه داب واحتار ليل ونهار من الناس والدنيا ملامة

ياريتني ما طاوعت قلبي ياريتني ما مشيت وراه

ياريتني ما بإيدي بعته لظالم هيبيع هواه

نسيت ان عمر الخاين ما هيصفى الهوى جواه

ضاعت من عمري ليالي .. ليلة عذاب .. ليلة عتاب .. وعيوني تقولي نصيبنا

وكل ما ييجي في بالي أقسى عليه وأجرح فيه ييجي قلبي يقولي حبيبنا

ياريتني ما طاوعت قلبي ياريتني ما مشيت وراه

ياريتني ما بإيدي بعته لظالم هيبيع هواه

نسيت ان عمر الخاين ما هيصفى الهوى جواه