مساحة إعلانية
أحكيلك إيه و القصة أكبر م السنين
و إن قولت أقول حبدأ منين
كِدبي ف قصايدي ماهوش رياء,
أنا كنت بستقوى ب ورق
عيل ضعيف خاف الغرق
أحكيلك إيه و ابدأ منين
الغربة كانسر للحزين
والوحدة مش صاحب جَدع
أنا يوم ما وشوشت بكلام مات الودع
انسى اللي فات و الجاي إيه
تشرب حنان شَبعان وَجَع
الكون زحام و أنا عقلي أزحم م الجميع
أنا عقلي أزحم م الطرق ف العاصمة
و من القهاوي و البارات
أنا عقلي أزحم م الجوامع ف الجُمَعْ
و من الكباري و الحارات
أنا عقلي أزحم م البشر ف الأتوبيسات
م المترو وقت الكعبلة
م الذكريات جوا البيوت
أنا عقلي أزحم من خيوط العنكبوت
أنا عقلي كِشَري و إبن مو
ت أنا عقلي سوق و الكُل باع ثم أشتري
و أنا عقلي رافض لو يبيع
الكون زحام و أنا عقلي أزحم م الجميع
السما صافية
و العقول حافية
و الشمس بتمطَّر عمى
كل اللي باصص للسما
ماحصدش غير زيف الأمور الحق مش محتاج لنور علشان نشوف
و الخوف بيعشق وقفتك خلف البيبان
و الدنيا جُملة قُصيَّرة
يا تموت نبي يا تعيش جبان"
التعليقات