كلمات اغنية مروان زيان – ساكنة الروح

مش عارف غلطتي كانت ايه

مش عارف وصلت لكل دا امتى و فين

مش عارف اكمل مش ناسي اللي بنا

انتي لسه في دماغي لحد دلوقتي ليه!

خاصمت النوم خاصمت النوم

صاحبت الارق و خاصمت النوم

الدنيا ساكته ف بالي الف صوت

القلب انطفى مفيش اي ضوء

كل حاجة بدونك ملهاش اي لون

لسه بفتكرنا سوا كل يوم

صورتك لسه ف قلبي و حاسك لسه جمبي

و الايام بتعدي و انتي ساكنة الروح

و انا لسه ف قلبي كلام كتير

احساس جوايا و مش ناسيه

لو كنتي معايا و ممشيتيش

كان مين هيشوفني انسان حزين!

اديتي وعود ليه موفيشتيش

قولتيلي مع غيرك مش هعيش

دلوقتي انا بسأل نفسي ليه

منغيرك مش قادر اعيش؟

مشيتي و سيبتيني لدماغي تشقيني

ومفيش شئ بإيدي انا توهت ف تفكيري

طب كنتي ترسيني قبل اما تشديني

من ساعة ما بعدتي لسه مش لاقيني

و انا على نفسي ياما جيت

شيلت ف قلبي ولا اشتكيت

مصارح نفسي و مواجهني بحقيقة

اني حبيتك اكتر ما انا اتحبيت