مساحة إعلانية
عيوني فعيونك
بدّلتي لونك
تبّعتي ظنونك
ظنونك كتخونك
قالو بلّي تبدلتي وما بقيتي واحد منا
بغاو يضربو فالزيرو ما بنيتي فعشرين سنة
كان خاصك تبقا خاطي باش تبقا تمثلنا
احنا اللي نعيشو حياتنا وانت غي مزاكنا
حياتك حنا نرسموها واحنا اللي نختارو اللون
احنا اللي طلعناك واحنا اللي نحكمو كيف تكون
انت غي فنان فالشهرة مسجون
هذا هو حال الفن الملعون
غني على الفقر وخليك حاصل بين نيابو
غني على الوطن وتحدا بغناك ذيابو
غني على الشعب واحسب شعراتك اللي شابو
غني على راسك وعلى ظنونك اللي خابو
كتشوفني عالي حيت هذاك مكاني
كتشوفني لفوق حيت تما عنواني
ماشي أناني يمكن غير لساني
هو اللي معذبك باش تبقا مگابلني
ومتبعني
موسيقتك كتموت قبل ما توسخ وذني
وعلى بالي بيك وبلّي
كتيري فظهري وفوجهي غي كيدمعلي
أمّا اللي معايا كان ديما معايا
من البداية حتى إلى ما لا نهاية
مسلم هذا وكيف العادة
غتجيب العز ولا غير كحز أصاحبي
خطوة محسوبة
أحكام مزروبة
خطة ملعوبة
الدنيا مقلوبة
بغاوك تبكي مع الحومة وتغرق فدموعا
تغني في الظلمة وتذوب مع شموعا
تفكر تخرج من تمّا طريقك مقطوعة
أحلامك غتبقا تحلما حتى تموت بجوعا
خلقنا فقراء وما بغينا نموتو فقراء
كبرنا في الكارة وعارفينها بلّي حكارة
أما الحقادة اللي مقابلين القيل والقالة
أجي معايا التمرّد والرّسالة
وباقي عاقل أنا وما عمري نسيت
ماين جيت أنا وكيفاش بديت
فاين كانو ملّي زرعت وسقيت
بغاو يكونو دابا ملّي جنيت
كتشوفني عالي حيت هذاك مكاني
كتشوفني لفوق حيت تما عنواني
ماشي أناني يمكن غير لساني
هو اللي معذبك باش تبقا مگابلني
ومتبعني
موسيقتك كتموت قبل ما توسخ وذني
وعلى بالي بيك وبلّي
كتيري فظهري وفوجهي غي كيدمعلي
أما اللي معايا كان ديما معايا
من البداية حتى إلى ما لا نهاية
مسلم هذا وكيف العادة
غتجيب العز ولا غير كحز آصاحبي
التعليقات