مساحة إعلانية
ملِّي الحكومة ماموقيداشي بيَّ أنا موقد براسي
جات الساعة باش نهز الرّاس ونفيق من نعاسي
المشكل ديال هو خصني نحلو بلا مانبرزط ناسي
حيث ناسي غير دراوش وملّيت عايش ناسي
جوان فيدي وكالس فالحومة مبوخ الدخان
المدُوخ، ومربع يدي كانستناها تزيان
هذا زمان وأنا غي مريح فالدرجة دالجيران
كاع مبان شي بلان و مراديش ندق البيبان
دمي محروق مع ريال مدريد و برسِلونَة
عايش محبوس فالروتين دالحرية المسجونة
مكنعمل والو من غير والو غير كانزبل فالدولة
اللي بغى يربح العام طويل كذبوا علي بهاد القولة
حياتي فحال شي كومبة بدات من آخر جولة
عنحارب الفقر اللي زايد قوة عرض و طوْلَة
مللي كانسيستم كانزيد نتألم
خصني نتعلم كيفاش مع الألم نتأقلم
من دبا الفوق أعشيري غير نُوض
عرِّي على دراعك قبل مياكلو الدُود
حيث الوقت أعشيري كايفوت
حتى واحد محاس بيك وخا كاتموت
من دبا الفوق أعشيري
كنشوف راسي فالمراية شحال قريب نبدا نرْشَى
علامات الكبرى بداو يبانو، العمر دغيا مشى
ماعملت والو باقي فمُوطعِي حياتي باقة مطرْشة
باقي مدحس على خوتي فالدار وطامع فالعشا
بابا كايشوفني بوركابي وكايتسنى مني نبشة
يما بقا كاتشوفني فحال لِعاد خرجت من كرشها
كاظبر عليّ وعارفاني عانمشي نجيب هاد الحشة
مرة تديها صحتي مرة يديها لي حنشة
الڭلاس فالحومة هو أكبر قالب فيّ تخشا
ماقطعت البحر مأنا كلوشار ما كلاتني قرشة
سيستم نالواقع ديالي و رضيت بيه كيفما هو
دايماً فالحيط مكالي و فيدي ديك العدوة
عمري فكرت حيث حتى التفكير كايطلب قوة
واقف مفشول فحال اللي "أون بان" كاتسنى ڭْـرُوَة
حياتي بلا مذاق وخا البطالة حلوة
حيث الوقت يجري يغدر ( بنادم ) ! تنُوا
من دبا الفوق أعشيري غير نُوض
عرِّي على دراعك قبل مياكلو الدُود
حيث الوقت أعشيري كايفوت
حتى واحد محاس بيك وخا كاتموت
من دبا الفوق أعشيري
دبا جات الساعة باش نبدا وخا من الزيرو
مشكيل ديالي مايحلو لا فلان ولا غيرو
مكيعرفينيشي أصلا واش كاين فقاع بيرو
صوتي يمكن نوصلو ملِّي كنت واحد من حميرو
حيث دبا وصلناه و غطيناه يحلم فسريرو
محال يشوفني فالحُلم و يفيق يسرح فشخيرو
أنا ذبانة فبطانة كنقلب كيف نعيش
انتما فسياسة فنانة قريتو علم التكريش
أنا واحد من الشعب و الشعب يعني التهميش
خليوني نموت من الجوع وتحسبوني إذا بعت الحشيش
ماحس بالدمعة غير الخد اللي عليه تسيل
وانا غير واحد من جيل عيّا من ضلام الليل
زيانت ولا خيابت غادي نتحرك ننقد راسي
باش ما كان و فاش مكان طريقي غادي نطراسي
مغانتسناش الدولة حتى تبرى من الكونسير
غانوض نكافح وربي كبـــــــــــــــــــــــــــــــــــير
من دبا الفوق أعشيري غير نُوض
عرِّي على دراعك قبل مياكلو الدُود
حيث الوقت أعشيري كايفوت
حتى واحد محاس بيك وخا كاتموت
من دبا الفوق أعشيري غير نُوض
عرِّي على دراعك قبل مياكلو الدُود
حيث الوقت أعشيري كايفوت
و حتى واحد محاس بيك وخا كاتموت
من دبا الفوق أعشيري
من دبا الفوق أعشيري غير نُوض
عرِّي على دراعك قبل مياكلو الدُود
حيث الوقت أعشيري كايفوت
حتى واحد محاس بيك وخا كاتموت
من دبا الفوق أعشيري غير نُوض
عرِّي على دراعك قبل مياكلو الدُود
حيث الوقت أعشيري كايفوت
و حتى واحد محاس بيك وخا كاتموت
التعليقات