مساحة إعلانية
920x160
تواصل معنا
ما غيرك فبالي خطر
ياللي غيابك لي خطر
القلب في جول المحبه
رف جنحانه وحام
من يوم ما شفت الغيوم
في رعدها ترزم رزوم
قالت حبيبك وينه
و جاوبتها ما بعد قام
قومي ترى الدنيا مطر
ياللي تحبين المطر
حتى الغمام اشتاق لك
و اشتقت لك كثر الغمام
والبرد و اسئلة المتى
واللهفه بليل الشتا
و العاشق اللي ماطمع
في غيروصلك والسلام
تدرين فكري لا سرح
اتبسم و كلي فرح
واذكر لقانا لا تبادلنا
من العين الكلام
قومي ترى الدنيا مطر
ياللي تحبين المطر
حتى الغمام اشتاق لك
واشتقت لك كثر الغمام
التعليقات