مساحة إعلانية
ألا يا غايبٍ عــني
عليك الشوق جنني
ياحبً جدد جروحي
غيابك وش يبي مني
عذابي زاد بغيابك
وقلبي ذاب بعتابك
دخيلك والشقى مكروه
تعال وعانق احبابك
وصالك مطلبي ورضاي
ألا ياغايتي ودواي
ترى من هجرك القاسي
يساري تصفق بيمناي
انا في عمري أحتاجك
لو تغرقني امواجك
ما دام ان العمر لحظه
تعال بضحكة حجاجك
تعذر واقبل اعذارك
وصدري بيتك ودارك
عيونك تشفي اوجاعي
لاتشعل داخلي نارك
تقدم وانتِ مطلوبي
تقدم واتجه صوبي
دخيلك لا تعذر لي
تضيع بدونك دروبي
جمالك كامل مكمل
بدونك كيف بتحمل
فتنت القلب بوصافك
ياليتك فيني تتجمل
وصوفك نالت اعجابي
دخيلك حس بـ اتعابي
ترى الهجران مابه خير
بدون ظروفِ واسبابي
وحقك بالغلا ماجاك
يروح العمر لاجل رضاك
ابيعه وارخصه لجلك
وهمي شوفك ولقياك
ذكرتك بعد مافارقت
وجاني طيفك ودنقت
ماصرت الداله السالي
ولهت لشوفتك واشتقت
عليك الشوق يشغلني
ما أبيك تروح وتهملني
ما اقدر بُعدك وفرقاك
بحق الحب عاملني
بشعوري ليش تتساهل
وعني تصد وتتجاهل
اعيش بغيبتك محتار
أنا لـ الصد ما أستاهل
التعليقات