مساحة إعلانية
يالسعودي يالسعودي دام عزك ومحسوب
يالكفو بين الشعوب اللي تحب اوطانها
خادم البيتين سيّد شعبه وسيد الشعوب
بك تهون المعضله يا سورها وامانها
مانهاب الموت دونك سلم والا في حروب
والله انّا سعد عينك لا ارتفع دخانها
امنه يا أقصى الشمال ومطمئنة يالجنوب
جندنا درعاً حصين و حارسين اركانها
لا انقلب وجه الزمان وبيّن الوجه الشحوب
جتك خيلاً عارفه وش هدف فرسانها
الشجاعة باليدين وبالعتاد وبالقلوب
مستمده من ملوك وورث من جدانها
ياوطنا ياوطن حبك على شعبك وجوب
نرفع الرايات خضراء والوفا عنوانها
ما نكل ولا نمل أبداً ولا حتى نتوب
يا نعيش بعزها أو نندفن بحضانها
فعولنا تشهد لنا بالحرب والخصم مغلوب
حن ندير المعركة توقيتها وميدانها
اشرقت شمس الثقافه مالها حروة غروب
رؤية ونهضة تقدم في يديك عنانها
مع سموك يا محمد سر بنا كل الدروب
للعلا عينك ترف ولا خسرت رهانها
احتزم والشعب وافي مابهم رجلاً هيوب
باليمين سلاح عز وبالشـمال اكفانها
نارد الموت الحمر ونوقد النار الشبوب
ودروسنا دون الوطن مايختلف عنوانها
ماثنا عزمك عدو ولا تروعك الخطوب
وماتحقق من يمينك نوعها ووزانها
التطور شايفينه حولنا من كل صوب
بذرةٍ تسقا بيمينك يانعات اغصانها
التعليقات