كلمات اغنية مصطفى أمين – التيه

نص الشوارع تيه

كل الكلام تهتهة

والضحك لو تلاقيه

متداري في النهنهه

مات الودع م الضرب

بس الوجع عايش

فاتني الزمان ف الحرب

حزمني بالقايش

طبل الحروب جلجلة

تصرخ ف يوم موتي

والكلمه متلجلجة

يعلى بها صوتي

ياعمر ضاع ف التيه

محتاج عصا موسي

رسي اللي تاه دليه

علي كلمه محبوسة

في التهتهه روحك

وتايهه يا ولداه

ان الوطن روحك

تلقاها راح تلقاه

ولو الشوارع تيه

ولو الكلام تهتهه

جواك وطن تلاقيه

في اخر المنتهى