مساحة إعلانية
السيره السيره السيره
بتكمل اى مسيره
من يومنا اسامى كبيره
تقديرنا إلى معلينا ..
ياما ناس حوالينا كتيره
هيموتو من كتر الغيره
طلقه فى عينكو الشريره
يالى انتو بتحسدو فينا
أسامينا فى الكون بتهز
سايبين ع الأرض علامه
لو قولنا فى يوم ابن عز
راح نذكر احمد سلامه
الليله فيها بركان قايد
حضرنالها و جهزنا
خمسه دى فرحة أله ذايد
محمد سلامه عريسنا
بالحب بناخد صيطنا
امتى فى حد اتشعبطنا
برجوله كلها عرفتنا
احنا الكفه الكاسبانه
برضو السلكان و النيه
حببو فينا البشريه
المبدأ مش ماديه
وعنينا دايما شبعانه
اللى معانا مكفينا
ولا يوم بصينا لغيرنا
ربنا دايما مراضينا
الحمد الله وساترنا
العيش والملح نصونو
دى اصول وبنعمل بيها
أما الناس إلى يخونو
عمرنا ما فى يوم نماشيها
جدعان ونشرف دوله
من يومنا كبار وعتاوله
واخدين الصح مقاوله
جوا وخارج دايرتنا
مالناش فى القول وتملى
بننفذ مش بنجلى
هتجيبو لنفسك يالى
تيجى فى يوم على سكتنا
الخوف دا ما نعرفهوش
والقلب حديد فى حديد
لينا حق ما بنسيبهوش
اجبارى بنجيبو اكيد
احنا اتربينا جدعان
تشهد على كدا رجولتنا
بنقف جمب الغلبان
مهو حب الناس مهنتنا
بنحب إلى يحبونا
اى راجل مجدع اخونا
تسلم تربية ابونا
بسببها الكل صاحبنا
اللى معاه بناكل عيش
علشانو نحارب جيش
يحتاجنا ما بنجليش
فى النار قلبنا بيجيبنا
لو حد احتاجنا فى ضيقه
من رنه نكون حواليه
عمرنا ما نسيبو دقيقه
ونموت برجوله عليه ..
المرجله فينا غريزه
والكل بيحلف بينا
ربنا ميزنا بميزه
ما بنخسرش إلى شارينا ..
بدراعنا نجيب لقمتنا
طالعين بأصول من بيتنا
اى شمال مش سكتنا
ما ناكلش ابدآ حرام ..
سمعتنا دى عال العال
ولا لينا فى قولنا وقال
اصغرنا راجل سندال
سمعنا ب الاحترام ..
الهيبه معموله عشاننا
واسال هيقولو علينا
واخدين وضعنا فى مكاننا
تشهد خطوة رجلينا ..
احنا الجدعنه راس مالنا
والسيره بالخير سابقانا
طول عمرنا ظابطين حالنا
وبندلع بشقانا ..
التعليقات