مساحة إعلانية
وجع قلبى
ماحدش غيرى يوم عرفه ولا داقه ولا حسه
انا لوحدى اللى حاسس بيه
وجع قلبى من الناس اللى حبيتهم وكان قلبى زمان بيتهم راجع اخر حكايتهم
بجرح ملوش طبيب يداويه
اتوجع القلب يابا
علشان مليان طيابه
في زمان غريب غرابه
زمن بقى كله شر
بقى وجع الناس شطاره
يا خساره وميت خساره
جرح الأغراب مراره
وجرح الأحباب أمر
إتوجع القلب يا عينى
من أغلى الناس على عينى
اللى أنا فارد دراعينى
وشايلهم جوه حضن
إتوجع القلب وراضى
لا اشتكى لطبيب ولا قاضى
وهو حاضر ولا ماضى
كله ألم وحزن
أنا حظى ديما في البشر نوعيه خاينه
مهما تعاشرهم بالأصول العشره هاينه
لا ضمير ولا إحساس ولا ولا نيه باينه
أنا عشت أقدم في العسل وأسقيه بإيدى
مع ناس بإيدها بتزرع المر في وريدى
في زمنا ده هي كده الحسابات يا سيدى
سنين وسنين بدور ع اللى يجى يا ناس ينور
جراح قلبى اللى دايب
سـنين وسنين بجرحى مبقتش بحس فرحى
حتى في حضن الحبايب
انا دنيا جوه دنيا لو قادت نورها ثانيه بتعـيش في ظلام سنه
سيبوا الأفراح مفارقه مبقتش معايا فارقه واخد على الجرح أنا
أنا لسه واقف كالجبل وبقول ياربى
ما تقوى حد ظالمني على كسر قلبي
انت القوى وها أفضل قوى طول ما أنت جنبي
أنا وجعي ووجع قلبي مداريه في عنيا
ما بقتش ببكى لحد يطبطب عليا
جرحى أنا ها أداويه أنا لوحدي باديا
التعليقات