مساحة إعلانية
يا عم سيبك وفكك م اللي شاغل بالك
وطنش اللي يطنشك و روق على حالك
قول للزعل لو وشوشك مالي انا ومالك
يلا بينا نهزر ونفرفش
نفرح والفرحه ما تتلمش
نرقص ونغنى
ونكسر الدنيا ونهيص
دنيتنا يا حبيبي
ما بتديش اللي معكنن
واللي مكشر واللى متيس
اوعى فى يوم تتضايق
خلي مزاجك رايق
واللي يقول لك عامل ايه قوله
الحمد لله كويس
يلا بينا
الحياه أدام عنينا
فاتحه باب الحب لينا
بتنادينا وبتلاغينا
يلا بقى
كفايه شقى
خد حبايبك بين جناحك
واللي يفرحلك بنجاحك
اللى حبك قوله هاي
واللي كارهك يلا باي
اوعى تندم يوم عليه
اوعى تندم ع اللي يروح
ارمى وراء ظهرك وطوح
الحياه بنعيـشها مره
تبقى حلوه وتبقى مره
مش كلها كده باتون ساليه
ياما شده وياما ضيقه
وبتتحل يا دوب فى دقيقه
قول يا رب وخلي بالك
لوأمك على طول دعيالك
ح يمدلك الفرح إيديه
قول لقلبك عيش وروق
قوله دوق م الحب ودوق
شوفها دنيا جميله حلوه
شوفها ضحكه وشوفها غنوه
وانت تعيشها سعاده البيه
التعليقات