مساحة إعلانية
عـ حلمي بروح واجاذف ، راح قايلي نصيب واسف
وحكيت ف ساعه ضيقه وبين حطاني رجعت خايف
اتملك مني الخوف ومش هيوصفه الحروف
مخدتش غير ندم وكسرة وحسرة وضرب ع الكفوف
محذوف من الصحاب وقايمه الحبيب والاهل
والاصعب ان كسرك ضهرك بالكلام مش سهل
و الحل ب اني اعدي وافوق نفسي حبة واطنش
وقت لما وقعت مسماش عليا و فنش
منا كنت طفل كبرت وشبت فاجاه ف يوم وليله
مكنش هيبقي ده حالي لو ف يوم كان عندي عيله
وايه اللي حصل ، الوحش منكوا فاجاه ظهر
كل اللي قرب بعد لما اتفقر
بقي ليا بديل اما انت بقي ملكش ف قلبي مكان
ياللي فاكرني لسه بحن احب اقولك كان زمان
وعدا ، و#فات_الوقت ومش هيرجع تاني
حبيتك بس كرهتك لما بقيت اكتب اغاني
__
دي حكاية عني ف سهرة ليل ملئ بـ الـ حزن
وعرفت طريقي فين والخير ف ايدي يغور الكل
وزمان انا وانتي سهرانين وقولنا دي الاخيرة
انا كنت امير وهي رافضه تكونلي اميرة
__
وقفت حياتي عليك حبيبي قولي فين الاقيك
روحي وخدتي روحي مني بس بشكل شيك
ايدك فلتت عقلي اتشتت كل سكه ليكي اتسدت
قلبي من الصدمه اتشنج الفرحه مني اتنحت
وبطل تحلم حلم بعيد وصعب ف يوم يتحقق
انا بقيت من كل حاجه بَقلق
الخوف طفح ع سهري كل يوم ف الليل بيجيلي
و صعب عليا ابوح لحد و الاصعب ان كمان اشكيلي
وزيدي عليا كمان ما انا اتعودت ع الخذلان
وبعدي ب النسيان والقهوة والكتابه ع الكَمان
واديها ماشيه ، وبعدي طول ايامي زق
هو انتي معايا ولا لا؟
الضحكه طالعه باهته صوتي باين فيه الهدة
انا انطفيت وكفاية مُناهده
ولحد هنا بقولك كتر خيرك الف شكر
كتبت بحبك بس دُة كان تأثير الشرب
التعليقات