مساحة إعلانية
أنا إيدي سبقانة وبتتمكن
مابجيش مع بشر بتتمسكن
وكتير الدنيا بتأكدلي مين تمامه كيف على كام أستك
ومطاوي الدنيا بتنكّت ومابتحلش دي بتتلكك
وصراحة شغلكوا عمره ما أكل
خد جنب حبيبي أنا دماغي فكت
كان نفسي بس أعرف تمامكو
وإن القرشينات تمنكو
وياريتكو تاخدوا بالكو إن كتر الضرب تلف أملكو
وأنا الطيب إللي فيا قتلته
فـ مافيش معاملة مع أمثالكو
عارف اني أوي مزعلكوا
إنتو مالضغينة عايزين تتعالجوا
أنا دايمًا في أتم إستعدادي
وكعبي عالي من الصعب إيجادي
يا حبيبي الأحسن إستبعادي
حتة تقيلة من وأنا في إعدادي
أنا مابحبش أزعل أولادي
عشان قلبتي فيها جانب إبادي
ومابروحش لكلامنجي وأجادل
عشان مالوش تنفيذ، وإيجابي
أنا كل ما خلقي بيضيَق
أتجنن والأخصام تتدق
وتبتدي تتفنن في النق
و تلجأ دايمًا لشغل نقش
فـ ماتعملش مابتسرقش
إنتَ في مكانك مابتسبقش
لو إتكلمت مابتصدقش
إنتَ ماتعرفش شكل الكلبش
وأما غبنا كنا في هدنة
وكله خد جنب لما عدنا
إنتَ تحت إيدي مش هتاخد مدة
هسمعك الكلام إللي يخضك
لساك حتة غلوبة
أسامينا بتجريك على أوضتك
تلاتينة والتوقيع على قورتك
وإنتَ فاهم الباقي لو طولتك
نفضت للي يجيب تشاؤم
مستعدلكو وكما تشاؤا
فـ لو معايا حابين تتشاقوا
ماحدش يزعل على أشياؤه
المجال ده ملكي منذ إنشاءه
وعارف إللي الغل في أحشاؤه
عندي مبدأ ومش بصدق لأي حد بيضرب شادو
حواليا الجو مش ملائم
ناس حاوطه حلمي بسلك شائك
تشغيل الدماغ بشكل دائم
والناس باصة في أشيائي
عايز صُحبة تموت علشاني
مش مهتم بشكل الچاكيت
ما أنا مش جاي الدنيا أتشائم
بس الناس حطوني في مشاكل
ما إنتو ماعيشتوش إللي مريت بيه
ماجربتوش العيشة إللي بتإذي
بجد ماشفتوش الصحاب بتبيع
وحاجات تاني الصراحة كان تحزن
وناس بتحسد ورمي بلا
كسرت خطي سبت البلد
وإتأكدت إن إللي أنا بخسره دلوقتي صح مستقبلًا
ما إنتو ماعيشتوش إللي مريت بيه
ماجربتوش العيشة إللي بتإذي
بجد ماشفتوش الصحاب بتبيع
وحاجات تاني الصراحة كان تحزن
وناس بتحسد ورمي بلا
كسرت خطي سبت البلد
وإتأكدت إن إللي أنا بخسره دلوقتي صح مستقبلًا
أنا دايمًا في أتم إستعدادي
وكعبي عالي من الصعب إيجادي
يا حبيبي الأحسن إستبعادي
حتة تقيلة من وأنا في إعدادي
أنا مابحبش أزعل أولادي
عشان قلبتي فيها جانب إبادي
ومابروحش لكلامنجي وأجادل
عشان مالوش تنفيذ، وإيجابي
التعليقات