مساحة إعلانية
كان نفسي اعيش
وارد لأمي جميلها فيا
وما اشوفش كسرة قلبها وتصعب عليا
أنا كان زماني معاها واخد بالي منها
وكان زمانها بتاخد الدوا من إيديا
كان نفسي أعيش
واكبر إبني واشوفه حاجة
والموت خطفني فـ ثانية بسهولة وسذاجة
أمانة تبقوا تخلوا بالكوا في غيبتي عنه
دة أنا كنت سنده وكنت ضهره وكل حاجة
كان نفسي اعيش
عشان البلد تتباها بيا
كان نفسي أحسسها إني أد المسؤولية
واكبر واشرف مصر في العالم بحاله
واحميها من شر اللي ناويين ع الأذية
كان نفسي لما أموت ما اشوفش الموتة دية
أنا عندي موتة ربنا الموتة العادية
أهون كتير مـ الدبح والموت بالرصاص
مش معترض على أمره مهما يا ناس حصلي
أنا برضه عارف ربنا وبصوم واصلي
وكفاية إنه حسبني عنده شهيد يا ناس
كان نفسي لما أموت مشوفش الموتة دية
أنا عندي موتة ربنا الموتة العادية
أهون كتير م الدبح والموت بالرصاص
مش معترض على أمره مهما يا ناس حصلي
أنا برضو عارف ربنا وبصوم واصلي
وكفاية إنه حسبني عنده شهيد يا ناس
كان نفسي اعيش
كان نفسي اعيش
كان نفسي أعيش
التعليقات