مساحة إعلانية
بضحك في وشك عمري ما اكدب و اغشك
بس جوايا دوشة جدا متبانلكش بعينك انت
عمري ما جيت علي حد بس هما بييجوا علي السكة
هما ديما بييجوا علي السكة
في دماغي حوارات شوارع و دوران
ناس كتير في المكان بتتكلم هنا ليل ونهار
انفاق كتير بعيد عن الواقع القطران
بهرب منها بالنوم عشان مبقاش حطام
بحاول اعافر واقوم واقف تاني
بحاول اضحك في وشوش ناس كتير معنداني
بحاول اكون كويس علشان مبقاش حد تاني
بفكر في الكل ديما بس في الاخر بنساني
في نص الليل بفتكر حاجات كتير و بنفعل
بسهر مع اول عقرب بيعدي 12 وانشغل
بكلم حد جوه دماغي رغاي فشخ
بيشقلب دماغي كل يوم ويكسر كل سقف
بيعدي اليوم بعد ما عيني تغيب بالعافية
بصحي اغيب ع الكل بالشهور نفسيتي بعافية
ف يسألوني فينك مبتسألش مفيش اجابات لسؤلهم
بكسل احكي الحاجة الي بتتعبني و اغيب تاني عنهم
بسمع و اطنش كل اللوم اكني اطرش
مش عارف استحمل كتر اللوم خلاني مهبط
و اتشحن تاني سلبيات فارجع اغيب و انفض
و اقول لنفسي بكرة تبقي احسن بس انت كبر
و الف في ديرة زي ما بلف سيجارتي اخر اليوم
و اطبطب علي نفسي و اقول الله يكون في العون
بحاول الاقي مخرج ف ابص لنفسي من قوق
اكشف كل حاجة حنبي كاني دماغي دي Drone
و لسا في زحمة جوة وانا لحالي هون
وضعي من برة يبان تمام و بثبت بالصور علي الphone
عندي مشكلة..
بقرا الناس كاني بهاك iPhone
سميني حمزة بن دلاج عشان عرفت افك ال code's
معقدين بس مش اكتر مني يابه
مش ساند علي حد مبحبش الورق ده يابه
متشعبطين في المصلحة و وقت الجد عمي يابه
بيتخابثوا و بشوفهم في احلامي بيدعوا الطيابة
بيكلموني علي الphone بيلموني وبس
العشم كلناه علي العشا والحلو كان العيش والملح
بغيب و ارجع بكيفي ف اسمع كلام مبيعجبنيش
زي انتا بتغيب ليه محدش قال مالك يا شئيئ
فضول فضول و انا ابلعها مسح زور
في قلبي لهب بركان لو طلع هيبخر الموج
بيلفوا و يدورو زي بكر شكرتون
حَرَابيُّ و كل يوم يجولنا بس بغير اللون
و انا لسا في اوضتي والزحمة لسا في دماغي
بحاول اقف علي رجلي و ادوس ناس معنداني
بتعامل بالحسنة..
بس انا نفسي اكون اناني
و انسي كل الناس دي و امشي و اهتم بنفسي ل ثواني
و انا لسا في اوضتي والزحمة لسا في دماغي
بحاول اقف علي رجلي و ادوس ناس معنداني
بتعامل بالحسنة..
بس انا نفسي اكون اناني
وانسي كل الناس دي و امشي و اهتم بنفسي ل ثواني
التعليقات