مساحة إعلانية
فمان الله ماجاني من أحساس المحبه كود
بعيد الذكريات اللي تتل القلب واتجره
مدام ان الزمن قفا بزينك يانحيل العود
ربيع العمر خليته صحاري جرد مصفره
تركت الحب بين أمرين لا ضايع ولا موجود
أشوف الاولة مره وأشوف الثانية مره
فلا تطرد ورى قلب ن تحده من غلاك أحدود
يحاول بس في أحلامه تلاشت وأصبحت عِبره
ولا تتركني بقلبك ترى عمر الغلا محدود
على ما جاه بالماضي يخايل شي ما سره
عزيز النفس ما يقبل محبة بابها مسدود
ولا يمشي على درب ن يذل الراس ويضره
شقا عمر الوفا يجني حسافة جهده المحصود
وعطيب الجرح ياخذ له على ديار الغلا فره
تعبت أسال وش أهدافك وادور كنزك المفقود
الين أنك كشفت اللي وراك وطاحت الجّره
وش أبغا في غلاك اللي يجي لاشافني موجود
ترى قلبي ماهو لعبة حسب رغباتك أتفره
غلاك وحبك الوهمي تراه ليا وصل مردود
معاد أبغاه لا والله .. وفك القلب من شره
أنا قلبي عليك أبعد من أحساس الغلا المقصود
ولا يخطر على بالك كلمة حبك أتغره
حسافه حب ربيته على حضن الامل مولود
ونسى فضل الحبيب اللي توفا مالحق بره
بآمان الله خذ وردك وشعرك والعطر والعود
ولا يبقالك بقلبي علامة وأمسح الجرة
التعليقات