مساحة إعلانية
انسى الفات
ده راح و مات
الحكاية
لازم تكمل
في البداية كان بني ادم طيب
على نياته
كان كل همه يعمل خير
جاهز يوهب حياته
دايما يقول بقلب ابيض خالي من الشكوك
عامل الناس بالخير و هما بالمثل يعاملوك
اه
من صغره هادي
واخد الحياه ببساطة
و يوم مالدنيا تيجي عليه يشكي همه لكراسة
يقعد يفضفض بالسعات يرمي حمله وراه
يقعد يكتب بالقلم عن كل الالم الجواه
كراسة في التانية و الكراريس قاعدة بتزيد
وبعد سنين ابتدا يكبر جواه انسان مريض
يطلع خطوة لقدام
يرجع خطوتين لورا
ويوم ما راح يشكي لصاحبه
قالولوا بلاش أفورة
سمع كلامهم وإتجه للصمت ولسكوت
وخلاص الحزن والتوتر شئ عليه مفروض
ديماً مهموم
مستسلم لضغوط
على طول بيفكر ليه بالحزن أنا طول عمري موعود
وفي يوم الحظ ضحكله و قابل بنت جميلة وحباها
قال هي دي الوحيدة الهتفهمني أنا لازم أقوللها
الدنيا بيكي لها طعم لها معنى
وأنا حياتي أبليكي كانت مجرد لعنة
اديني فرصة أعرفك وتعرفيني بجد
ده أنا جوية انسان طموح محبوس ورا حيطة سد
ردت خلاص خلصت
خلاص قلت ال في نفسك
عايزني أحبك ازاي وإنت أصلاً كره نفسك
الحكاية
لازم تكمل
أوعى تستسلم
دي الحياه فيها خير كتير
خلي أملك كبير
دي الحكاية
لازم تكمل
أخد الصدمة قلبه بيصرخ
بس محدش سامع
عقله وقلبه في حالة حرب
كله هجوم طب حد يدافع
قلبه يلوموه ازاي تغلط وأنا أكون للتمن دافع
طول ما إنت ضعيف مش هعرف أحب
أصل معنديش دافع
وصراعه النفسي
كان مرافقه كل يوم
بليل يتقلب في السرير
عمره ما يطول النوم
ولم حس إن أحلى سنين عمره في الإكتئاب بتضيع
قال لازم ألاقي طريقة
أقلب الشتاء ربيع
يبعد يسافر مرضه لازق فيه ذي الضل
جرب دكاترة نفسيين بتبنج مش بتحل
قال حلي في ديني من دلوقتي أنا هبدأ أصلي
يقعد يدعي ويشكي ربه
شفت الحصلي..؟
لكن بعد كام
لسة برضو بيتألم
منين يجيب عظيمة يواظب
معرفش يكمل
اخر حل كان فاضل
كان واضح كان صريح
يديها مخدرات سكر طينة وتصبيح
ولاول مرة من سنين حس بطعم السعادة
عايش في وهم كبير
يضرب مرة اتنين تلاتة
كاره الحقيقة
مبقاش قادر يفوق
وأدي خلص بقة مدمن
حالته قاعدة بتسوء
وحدته أبدية
على طول في باله الانتحار
يقعد يتعذب علأرض
وتكون أخرته النار
ولأي حد ناوي يتهمه بالجنان
يرجع يقرا كراريسه
بتاعة أيام زمان
التعليقات