مساحة إعلانية
اسف لكل شارع احنا مشينا فيه
شاهد علي كل وعد احنا خلفنا بيه
اسف لكل صورة كانت فرحانة بينا
باشت وراحت من كتر البكاء علينا
اسف لكل غنوه احنا عشقناها
فضلت تنده علينا بس ما سمعناها
و اخر اسف من نصيبنا احنا الاتنين
علشان ضيعنا بعض و احنا مش داريين
كل حرف اتحط في كل كلمة مش بتاعته
قدِر يكون معنا بجد زعلت لما سمعته
دانا كنت بسهر الليالي ازين في الحروف
علشان افرح قلبك مهما كانت الظروف
صوتك في ودني بس حابب مسمعوش
علشان تفكيري خلى عيوني مينموش
دا الجرح لم بس ساب حبت خدوش
ثابتين جوايا مهما عملت ميرحوش
بشوفك من بعيد الناس فكراني معرفكيش
قلبي يبعت رساله كاتب فيها منستكيش
عيوني تكون عليكي في كل حته ومتسبكيش متمشيش يا روحي منها ليه مبتشبعيش
بشوفك من بعيد الناس فكراني معرفكيش
قلبي يبعت رساله كاتب فيها منستكيش
عيوني تكون عليكي في كل حته ومتسبكيش متمشيش يا روحي منها ليه مبتشبعيش
طبعك غريب يا دنيا بتفرقي في الحبايب
لو عايزة العقل صاحي لازم يبقي القلب غايب
بس اليشوف عنيكي و متسحرش اكيد مجنون
تمنهم غالي و اشتريت فاستحمل الديون
سيرتك بتيجي بضحك اقول والله كانت ايام
و افتكر الحلو بس مفيش عتاب او ملام
حكايتنا كانت حلوه زي غنوه في الافلام
فجاه الابطال يموتوا و متبقاش غير صمت تام
ليه مفهمش الشوفته فيكي
هو الحب نازل يعني كله ليكي
ليه بتوهميني فوقيني انا مش ناسيكي
فكريني اني تهت و ماشي بيكي
مع إن الدنيا احلي و الحياه دي مستقره
وخلاص اقلمت قلبي انه راضي و انتي بره
وقتي كله فاضي اعيش لنفسي قلت اجرب
برجع لنفس النقطة لما اشوفك صدفه مره
بشوفك من بعيد الناس فكراني معرفكيش
قلبي يبعت رساله كاتب فيها منستكيش
عيوني تكون عليكي في كل حته ومتسبكيش متمشيش يا روحي منها ليه مبتشبعيش
بخلقلك الف عزر و اقول انك مغلطيش
مشفتش كسرت قلبي طب لبكائي مسمعتيش
صدقتك من غبائي لما قولتي متسبيش
موفتيش بس بدونك لسه مش هعيش
بشوفك من بعيد الناس فكراني معرفكيش
قلبي يبعت رساله كاتب فيها منستكيش
عيوني تكون عليكي في كل حته ومتسبكيش متمشيش يا روحي منها ليه
مبتشبعيش
بخلقلك الف عزر و اقول انك مغلطيش
مشفتش كسرت قلبي طب لبكائي مسمعتيش
صدقتك من غبائي لما قولتي متسبيش
موفتيش بس بدونك لسه مش هعيش
التعليقات