كلمات اغنية ميشال الخوري – مقص الحلّاق

الناس بتعتل همّ القَصّة تاري إنتِ كل القِصّة

شو خصّ مقصّ الحلاّق إنتِ لي بتحلّي القَصة

بيلبقلِك لو طوّلتي بيلبقلِك لو قصّرتي

شعرك آخد سحرو منك لابق شو ما عملتي فيه

بيلبقلِك لو فتّحتي بيلبقلك لو غمّقتي

شعرك آخد سحرو منك لابق شو ما عملتي فيه

و كل ما علينا الهوا يهب شعرِك متل طير الحب

يرَفرِف من كتفك لكتفي و يرقص عَ دقّات القلب

بيلبقلِك لو ملّستي ولاّ على حالو تركتي

شعرِك آخد سحرو منك لابق شو ما عملتي فيه

بيلبقلك لو خصّلتي خصلة و خصلة لوّنتي

شعرك آخد سحرو منك لابق شو ما عملتي فيه