مساحة إعلانية
كان نفسي اكتب فرايحي
بس الايام اكتئاب
لما كله ده حصل وانا شب
هيحصل ايه لما اشاب
طول عمري بخاف اسيب
ف الايام تلف واتساب
لسه عايش مع نفسي
مع اني من نفسي بخاف
من غير ارادتك وقعت فيها
ومع الاسف مفيش رجوع
نفس الاصطمبه كلهم نسخ
والدور عليك مطبوع
كبرت شويه واتعلمت
ف ابتديت لربنا الركوع
تكبر شويه تجرب ده
مع انه مش حرام بس ممنوع
تجرب تشوف تتعلم
متلاقيش فيها ولا اي منهج
تجرب تبص بصه بره
تلاقي النص اللي هناك كارهك
والعمر يجري بيك
وتتسحل ف حاجات مش شبهك
وتلاقي الايام زي البحر
تيجي تاكل ياكلك
الايام بتعيد
ومحدش بيفيد
والقدر في الايد
والشمس هتغيب
الايام بتعيد
ومحدش بيفيد
من بره قريب
ومن قريب بعيد
من هنا الباب يتقفل
ويتفتح بداله 100 باب
نص الببان في وشي اتقفلت
ومتفتحتش ولا باب
لسه بسمعهم
وانا عارف ان اغلبيتهم كداب
لسه بخاف اغيب
مع ان وجودي اصلا غياب
كان نفسي اكتب فرايحي
بس الايام اكتئاب
لما كل ده حصل وانا شب
هيحصل ايه لما اشاب
طول عمري بخاف اسيب
ف الايام تلف واتساب
لسه عايش مع نفسي
مع اني من نفسي بخاف
تاريخ مزيف وحاضر مخزي
تنده تنده ومحدش بيصغي
نصنا تاه ف حياه مش تبعه
والنص التاني حياته تطفي
كبرنا فيها ولسه بنكبر
مع ان مفيهاش ولا شئ مغري
ياما عملنا خير وعليه
مفيش ولا حاجه كانت تجزي
الايام بتعيد
ومحدش بيفيد
والقدر في الايد
والشمس هتغيب
الايام بتعيد
ومحدش بيفيد
من بره قريب
ومن قريب بعيد
التعليقات