كلمات اغنية ناصر ذوق – كلّ شيء حيّ الجزء الأول – سجود بالموجود

سفرة دايمة

معدة صايمة عن الجوع

خليك فاطر

عملة عايمة

دني قاعدة عقلبك وقايمة

بالبنك ناطر

برق الدليل القاطع مقطوع

والجو ماطر

خايف من قطرات المي

أليس منها كلّ شيء حيّ؟

عم تشتي آيات مراية عنفسك خايف تشمسا؟

كلمة مقنعة تشلحك أقنعة كنت بالباطل تلبسا؟

كذبة بيضا خايف تفقسا وتضوي لمبة ذاتك

تشغل لسان وجدانك بذكر يفطمك عن ملذاتك

طَب

شو رأيك تروق تشيل تمك عن البوق وتسمع

بيع البصل المحروق بسوق تنضيف العروق وتدمع

ادمع...ادمع...اسمع.

لحظة ما خلص التراك عم اعلن عن سبع أجزاء

سبع أشواط لسبب إحياء عم بكّل الحبكة

لأربط عقلوب ما بتبكي

بدبك عنيعا للدبكة

ماسك عالأول وساهر

عمدا تأجل الفيرس

عاش يلي سمع للآخر

شي فاخر.