مساحة إعلانية
كبرت بالسن وثقلت علي رجلي فالمشي
ماقدرت اوطى الارض الي عليها كنت اجري
ضعفت فيني القوى ولا فيه من احتوى
عطتني ظهرها وانا معطيها وجهي
هذاك الولد غاب ارتمى ورا الاسباب
يدور رزق ناسي ابوه المرتاب
ماني محتاج فلوس محتاج منه اهتمام
وعندي له خير يكفيه كل عام
والثاني لاهي بنفسه ضاع ورا الاحباب
يدور حب حياته ماعرف الحب سراب
ويش جاب لجاب حبك للافراد
الحب حب واحد تحبه ع انفراد
حياتي شفت منها تجارب وخبرات
ابغى انقلها لعيالي قبل الفوات
ما ابيه يطيح في حفرة طحت فيها
الا الاخيرة حفرة الكل يمر عليها
حياتي مرت عليا
كانه فيلم
جاني العلم
ولا اقدر
ارجع فيها واعدل
لي سويته
قبل اروح
زوجتي ودعت ولا قدرت اتحمل فرقاها
ماكنت احبها الا بعد اختفى مداها
الواحد مايحس بالشي الا يوم يفقده
ربي عوضها خير لما قدمت واجزاها
تعبتها انا كثير وكنت عليها قاسي
والعيال هربو مني بعد مارحتي عنا
كنتي شمعة البيت وانا عليهم لعنة
انطفت الحين مافيه احد يجمعنا
باقي من ريحتك بنتنا الله يحفظها
طالعة عليك بكل شي سنعة وحلوة
قايمة في البيت وفيني ي حظي بها
مابقى الا هي في حياتي الودرة
ياربي مدري وش بيجي في قادم الايام
احفظ عيالي واصلحهم من شر الخصام
وارحم حبيبتي وارزقها اعلى مقام
واغفرلي واحسن لي الختام
حياتي مرت عليا
كانه فيلم
جاني العلم
ولا اقدر
ارجع فيها واعدل
لي سويته
قبل اروح
التعليقات