كلمات اغنية نقولا الأسطا – صدفي

صدفه وكان الحكي همس

وفكري عم يسرح

زاحت غيمه وأنتي الشّمس

ضوّيتي المطرح

كلّ الحكي كان معلّق

عطرك ضحكاتك أحلامي

قالولي عم تخلق هلق

ومن وقتا بحسب أيّامي

يا شمس ل بيدَفي ضَوّا

ويا روح بْـ روحي من جوّا

يا وعد الحلا

القلب اللّي بينسا كلماتو

من لمّا شافِك دقّاتو

قالتلِك هلا

صدفة وشافك قلبي هون

وشافوكي عيوني

ما كان بيكمل هالكون

لولا ما تكوني

سمعتك كأنّك غنّيتي

وشفتك كأنّك هلّيتي

كنت بحب الصّدفه

لمّا بالصدفه طلّيتي