كلمات اغنية نورس – بين تعابين

كان بينا خير و اتدفن ، الفرح كفن

هي مش واقفة علي حد ، اقرب حل ليك مشنقة

و ايه العمل بقي؟ مبقتش بركز في شئ

لما قولت أن انت كل شئ مشيت بشكل شيك

بقوم من نومي خايف افتح ، جوا دماغي مدبح

ممكن بس تفهم ؟ قلبي مش ملاهي عشان تتمرجح

كان قدامهم خير الكون ده كله بصوا لـ قوتك

انا ملقتش حد احكيله ، كنت مجبر احكي لـ نوتة

الي دفعت دم قلبي فيه بكل سهولة باعني

انا بفشل في اي حاجة الا ان اهرب وقت زعلي

سبت قلبي بين ايدين معاليك ، العيب ما عليك

انا الي استاهل لما سبت قلبي مرمي #بين_تعابين

كان كل شئ اتظبط ، رجع كل شئ يتلغبط

دا مش صداع ، انا جوا مخي ناس بتخبط

لما بتمشي انا كنت بشبط ، غصبا عني انا اتعلقت

كنتيلي ذي المشنقة ، رضيت بقدري و اتعلقت

-------

لما كان كل طموحاتي شنق كنتوا فين؟

انا خليتك كل حاجة , ليه خيبت ظني فيك؟

زرعوا الحزن فيك ، بعدها قالوا دا حزن Fake

كان كل التعب ده فيك ، محدش سال ايه الي فيك

--------

كان لما غبت مين الي سأل ؟ , كله ما صدق بقي و انشغل

ببقي لوحدي وقت الزعل ، ومبفرحش ، باب الفرح اتقفل.

بان في عنيا الزعل ، هم عملوا مش شايفينوا

هم يشيلوا هم القرش ، همك انت مش شايلينوا

نصيب و برضي ، شوفت رعب الدنيا ف ارضك

انا جيتلك عشان تضم ، لقيتك رفضتني باردك

باب الفرح اتتربس ، قلبي ف الاحزان اتدبس

الي كسروا خاطرك عارفين أنه مينفغلوش يتجبس

فضلت اتمني النوم لحد مبقاش حيلتي غيره.

قلبي شب اتشنق ، مخي اتشل اتخنق من تفكريه.

انت خذلتني ع الملإ ، مشيت و الحزن كان بعديا

انا كنت ذي الورق بسمعك و تولع فيا

وانا هزعل ليه ، كان مين هيبقي م "كله رايح"

عندي صحاب تسد عين الشمس لو ليهم مصالح

انا مش مستني حقي لو حقي مستني يرجع

لو ليا عند الكلب حاجة ، بسيبها يمكن يشبع.

----------

لما الدنيا دي استفردت بيا كنتوا فين؟

زعلي كان روتين ، و بفرح كل فين و فين

انا خليتك كل حاجة , ليه خيبت ظني فيك؟

كان كل التعب ده فيك ، محدش سال ايه الي فيك

----------