كلمات اغنية هبة طوجي – كل ما منرجع على هل دني (حفلة في البترون)

كل ما منرجع ع هالدني منتلاقى بناس جداد

شي منذكرهن شي مننساهن شي بيخلقو بتاني بلاد

يا فرحي إني رح ارجع متل الزهر بروح وبرجع

والدورة بترجع تنعاد

كيف بدنا نترك فرحنا من دون كآبة

السجين لو ترك سجنو بتسحقو الرحابة

كيف بدنا نترك المنفى وما نتألم

والمنفى زمان وناس ضحك وسلّم

الزمان متل المحبة ما بيتقسّم

أنا بسألك انت منين وانت مين

أنا اللي كنت بأفكارك من سنين

أنا ايام الطفولة الساعات البخيلة

أحلامك بالغيب

والمستحيل اللي كان

جوّاتك قاعد

وتمرّد وصار المارد

أنا أزهارك بالجو

وأنا جذورك بالأرض

أنا أبراجك بالغيم

وأنا أساس البنيان

أنا انت

وانت أنا

وتنينتنا عم نطلع

ع دراج الشمس اللي بتلمع

عينينا ع البحر التاني

وع الكون التاني منتطلع

واحد منا متل الزمان

بيكمّل درب الزمان

والتاني متل الحياة

من جديد بيخلق وبيرجع

أنا انت وانتَ أنا بالزمان