كلمات اغنية هيفاء كمال – زمان

زمان

لما كنّا زغار

كان الأمل لو نكبر

كان الحلم بس نسهر

يا ريت لا كبرنا ولا سهرنا

يا ريت لا رحنا ولا سافرنا

يا ريت ضلينا

و احبابنا حولينا

و الضحكة بعنينا

زمان كان القمر اكبر

زمان كان الكرم اخضر

و كان في بستان

مزروع تفاح و رمان

احلام ايّام و اه يا سلام

زمان كان الجار من العيلة

سهرة و جمعة كل ليلة

مع الضحكات

راح الجار عنا و غاب

و كل من سكر عنه الباب

و ما عادو الاصحاب اصحاب

و النجمات

صاروا قلال

و الموال

بعده سهران

من زمان

زمان

كان الفرح كلمة

زمان

كان السعد لمة

و كان يا ماكان

بعيون أهالينا اوطان

زمان زمان

كان يا ماكان