مساحة إعلانية
920x160
تواصل معنا
فقير بيقولوا البشر عني فقير
مش عيب عندي الخام أغلى من الحرير
وعندي ولادي بالدني وكل القصور
عالقليلة بنام مرتاح الضمير
راضي بحياتي لو قرش ما في معي
ما بربح جميلة حدا اللة معي
ومهما عيوني تحترق من مدمعي
ما بذل نفسي للبشر ولا بعيش أسير
راضي بحياتي وعايش بسلم وامان
مهما بسيف الغدر حاربني الزمان
ما بشيل من قلبي المحبة والحنان
مهما الفُقر عالباب يوقفلي غفير
راضي بحياتي وما بعمري بشتكي
وبيتي الزغير بفضلو عالمملكة
هيدي الحقيقة بالفعل مش بالحكي
إلا كبير النفس ما بعدّو كبير
راضي بحياتي وعايش ب حلم الدني
بألف خير وبحمد العيش الهني
يا بشر حاجي بقا تقولوا غني
بالاخرة ما في غني ولا في فقير
التعليقات