كلمات اغنية وديع الصافي – ما بتذكري

ما بتذكري عالنهر كنتي توقفي

و زهر الندي من ورد قلبي تقطفي

و كيف كانت ترقص خيالاتنا

و تلعب بموجات المي و تختفي

و صفصافة الفوق النهر توميلنا

و عن سر بعدو بقلبها تحكيلنا

و يرجف ورقها و يستحي مقابيلنا

بس تمرق تحت منها العاصفي

ما بتذكري مشوارنا بين الكروم

و الليل واقف بينا و بين النجوم

و القمر واقف نايم على فرشة غيوم

نايم على وجهو قميص منتفي

وانتي وانا عن حبنا ودمعاتنا

نسقي الدوالي وتسكر بنغماتنا

فراشات بيضا غفيت بورداتنا

بعدها بأحلام خضرة ملفلفي

ان كنتي نسيتي و ما بقا عندك حنين

ما عاد يشرب من دموعي الياسيمن

عمر الهوى رح ينطفي عليكِ حزين

و كل شمعة حب حدو بتنطفي